மழையில் நனைந்த சிறு புறாவாய்

பல்லவி

மழையில் நனைந்த சிறு புறாவாய்
மனசில் அன்று பரபரப்பு
காலை நேர இளம் வெயிலாய்
எனக்குள் இன்று கதகதப்பு

நீயிருக்கிறாய் என்
நினைவுகளின் ஓரமடி
கண் தூக்கம் மறந்து
கடந்தன பல வாரமடி



சரணம் 1

உன்னோடு இருக்கும் நிமிடங்கள்
சுவர்க்க வாசனை தருகிறது
நீ மறைந்தால் கண்ணைவிட்டு
இதயம் இரண்டாய் உடைகிறது

ரகசியக் கனவுகளில் எல்லாம்
உன்னை வைத்து பூட்டுகிறேன்
நீயே எந்தன் சுவாசம் என
எல்லோரிடமும் காட்டுகிறேன்



சரணம் 2

பெண் நிலவே நீதான்
எந்தன் வாழ்வின் ஆதாரமாய்
நீயற்ற கணம் எல்லாமே
ஆகுது இங்கே சேதாரமாய்

அன்பு நிறைந்த இதயக் குளத்தில்
பூத்தாயே வெண் தாமரையாய்
நட்சத்திர வானத்திலே நீ
ஒளி வீசும் பிறை நிலவாய்