பல்லவி
ஆண்
பௌர்ணமி போலெந்தன்
பருவத்தில் வந்தவளே
மௌனத்தால் பேசி என்
மனதுக்குள் வாழ்ந்தவளே
பெண்
வீணையாய் மாறி என்
இளமையை மீட்டியவனே
காதல் இதயத்தில்
வர்ணங்கள் தீட்டியவனே
சரணம்
பெண்
இப்படி இப்படி தான்
காதலே பிறக்குதா?
காதல் வந்த பின்
உலகமே மறக்குதா?
ஆண்
உனக்கும் என்னைப்போல் – பல
சிறகுகள் முளைக்குதா..
கைகோர்த்து நடந்திட அடி
ஆசையும் அழைக்குதா?
பெண்
என் பெயரை நீ சொல்லிடும்போது
புதிதாய் நான் பிறந்தேன்
சரணம் 2
ஆண்
துளி புன்னகை புரிகையில் - அடி
தென்றல்தான் மோதுதா
இனியவள் உன்னைத்தான்
- என்
இதழ்களும் தேடுதா?
பெண்
உன் மனம் உன்னிடம் - வந்து
முகவரி கேட்குதா
இரவுகள் இரவுகள் உன்னை
எண்ணியே நீளுதா?
ஆண்
உன்னை நான் கண்டுபிடித்தேன்
என்னை நான் தொலைத்தேன்!!!
பாடலாசிரியர்
- தியத்தலாவ எச்.எப். ரிஸ்னா
No comments:
Post a Comment